FOTOS ACHEGADAS POLAS FAMILIAS

Nesta primeira presentación, achégovos as fotos que facilitaron:  Meli, a nai de Belén;  Ana, a nai de Aroa   e   a teacher, Irene, que nos acompañou no desfile e coa que tivemos a sorte de compartir moi bos momentos...  En calquera caso, que saibades que vos agradezo moitísimo a vosa colaboración.
 

Na segunda, as fotos achegadas por Sandra, a nai de Ana e Pablo ( repartidas en 2 bloques de fotos)
 

 

 

Polo momento, nesta terceira, só dicirlles... que estamos agardando máis fotiños e, por agora, queda baleira.

CHEGA A BUDIÑO A COMPAÑÍA DE ASTÉRIX

Pola nosa parte, como non ía ser menos, decidimos representar no desfile o mundo das películas de ASTÉRIX  E  OBÉLIX... Grazas a todos:  nenos/as, familias, coñecidos... descubrimos a existencia destes entrañables personaxes, a súa vida, os seus oficios, o segredo da súa forza, etc. e puxémonos mans a obra para representalos, cousa que non foi fácil. En calquera caso, foi todo un descubrimento tanto para os pequenos coma para os maiores...  ¿Non sí?... e, o mellor de todo é que, ademáis de pasálo en grande no desfile poñéndonos na pel dos seus personaxes, a día de hoxe seguimos desfrutando moito coas súas aventuras e o que estas nos ofrecen... ¿Xa estades preparados para ver todas as nosas fotos? Pois xa sabedes...  ¡POR TUTATIS!,   ¡POR BELENOS!   ¡COMEZAMOS!

 

Estas son as fotos que eu logrei recompilar...

 

O CRA DESFILA NO ENTROIDO

O pasado venres 8 de febreiro, celebramos o ENTROIDO desfilando polas rùas de Salceda... nesta ocasiòn cada aula acordou basear o seu disfraz nunha pelìcula... Co cal, como podedes supoñer, houbo de todo e para todos os gustos: ananos, ogros, princesas, increìbles, ratos, espantallos, dàlmatas, pitufos, mosqueteiros, etc. Sò para comezar, podedes pinchar  AQUÌ   para ver a gran variedade de disfraces que alì se xuntou...

 

Pola miña parte, vos deixo unha recompilaciòn de todos os grupos de nenos/as do noso cole...

 

 

TEMPO DE MAGOSTO

O pasado martes, 13 de Novembro, poidemos desfrutar dunha saída moi especial: a celebración do MAGOSTO NO BORRALLIÑO. Provistos do porta-castañas que fixemos na aula, chegamos ao Borralliño no autobús e atopámonos cos demais nenos e nenas do CRA para desfrutar, entre outras cousas: dunha xornada moi lúdica e de convivencia, de reencontros inesperados, da degustación das castañas asadas do magosto, do pracer de farruscarse co chamosco ... todo elo nun entorno natural e moi fermoso.   Como broche final, convertémonos en RAPEIROS... para cantar todos xuntos: "O RAP DO MAGOSTO" , composto coas estrofas aportadas por cadansúa aula.
 

VISITAMOS O PLANETARIO MÓVIL

O pasado martes 23 de outubro, desprazámonos ata a sede do noso CRA para visItar o PLANETARIO  MÓVIL, situado no ximnasio do C.E.P. Chegado o momento, os membros da nosa ANPA "AS LANDRAS", dispuxeron o necesario para que poidesemos desfrutar dunha experiencia curta pero abraiante e inesquecible ... ¡¡¡DESCUBRIMOS ALGÚNS DOS SEGREDOS QUE SE ESCONDEN NO ESPACIO!!! ¿Quedámonos con ganas de seguir descubrindo máis sobre o tema? Pois farémolo pouco a pouco...

      Ademáis, aproveitando a nosa estancia no CRA, pasámola mañá: coñecendo e desfrutando das instalacións do mesmo; compartimos momentos e diversas experiencias cos nenos de 4C e coa súa mestra PILI; coñecemos novos compañeiros e novos espazos de xogo... en fin... penso que todos o pasaron    ¡¡¡REQUETEGUAI!!!
 

POR FIN... ¡ SOMOS OS PIRATAS DE BUDIÑO !

O broche final a tantos días "loucos" foi o venres 17 de febreiro, un día moi especial no que o máis importante é pasálo moi requeteben. Nada máis comezar a mañá, e grazas aos familiares que estiveron connosco, dispuxémonos na aula para dar os últimos retoques ao noso disfrace ( maquillaxe, colocación dalgún elemento, etc. ) démoslle a benvida ao profe Arturo e iniciouse o tempo para sacar un montón de fotos curiosas e preciosas. Feito isto, desprazámonos en bus, atopámonos cunha gran variedade de disfraces e, todos xuntos, comezamos o desfile polas rúas de Salceda. Finalmente, ocupamos a praza, vimos todo tipo de actuacións por parte dos compañeiros de todo o CRA e, como non ía ser menos, nós tamén subimos ao escenario para representar a melodía de Lazy Town "Tú eres pirata" (e para "queimar" toda a merenda que nos zampamos ao longo da mañá...).  ¿Que tal o pasastes? ... ¿Queredes ver as fotos?

Aínda queredes máis?... Non vos preocupedes aquí están...

Unha vez máis, moitísimas grazas pola vosa colaboración.

PRANTAMOS ÁRBORES...

O pasado martes 31 de xaneiro, fomos en autobús para prantar árbores nunha zona moi próxima ao IES, en Parderrubias, xunto cos compañeiros da aula de Revolta e dunha aula de 4 anos da Esfarrapada. Ao chegar alí, coñecemos a un grupo de persoas da comunidade de montes da zona e ao señor Darío quen, ademais de sélo seu presidente, explicounos todo o referente ao que íamos facer: tiñamos a grande responsabilidade de "apadriñar" unha árbore. Fixémolo en grupos de 3 nenos/as, empregando as ferramentas necesarias para poder facer un bo traballo e, finalmente, a cada árbore puxémoslle as etiquetas con cadanseu nome dos pequerrechos que o prantaron. Feito o traballo, desprazámonos ata o Borralliño para pegarnos unha boa merendola e desfrutar dun bo rato de tempo libre no que xogar. Como premio ao noso esforzo, grazas as familias de Mario E., Diego e Carlos, merendamos como reises ata fartarnos e... ¡ QUE BEN O PASAMOS !

.

CELEBRAMOS O NADAL

O 20 de decembro fomos en autobús ao CRA para, xunto con todos os nenos e nenas do centro e das parroquias, celebrar unha gran festa nadaleira. Xuntámonos alí: uns 260 nenos, numerosos familiares que viñan colaborar nalgún dos talleres e todo o profesorado... ademais de ter o grande pracer de volver atoparnos co Apalpador (aínda que para moitos, era a primeira vez que o ían ter diante). ¿Que aconteceu alí? fomos rotándonos por equipos ata pasar polos obradoiros propostos para o ocasión: maquillaxe, audiovisuais, música, psicomotricidade e a visita o apalpador. Finalmente, e logo de tanta variedade e diversión, fomos merendar os ricos biscoitos aportados dende todas as aulas e, como non, quentamos as nosas barriguiñas cun delicioso e quentiño chocolate co que nos puxemos as botas... En fin, houbo sorpresas para todos e pasámolo en grande...

ÍMONOS DE MAGOSTO

O pasado martes, 8 de novembro, desprazámonos todos os nenos e nenas do CRA ata o parque do Borralliño, en Soutelo, para festexar O MAGOSTO. A pesares de que o tempo nos xogou unha mala pasada, pasamos un día moi especial e cheo de sorpresas: algúns aproveitamos a oportunidade para ir na procura de ananos, buscando as pistas que nos deixaron no monte, outros escoitamos a súa presencia, aprendemos cousas sobre eles.... e para rematar, poidemos xogar e degustar as castañas preparadas alí no magosto, xunto coas mandarinas que, por se acaso, tamén levabamos. Logo de tanta troula.... ¡Mirade o que alí fixemos!

DESFILE DO ENTROIDO 2011

Por fin, despois dalgún tempiño, aquí vos deixo unha recompilación das fotos que me achegastes... Se tedes fotos/vídeos, etc. facédemo saber... En calquera caso, moitas gracias pola vosa colaboración.

FOTOS DE SANDRA, A MAMÁ DE ANA: (2 presentacións)

FOTOS DE ROCÍO, A MAMÁ DE AINHOA:

DESFRUTAMOS CO ENTROIDO

Nesta ocasión, decidimos achegar ós nenos/as ó Entroido das terras de Ourense... para que coñecesen os seus traxes, máscaras ou caroutas, os seus festexos...  Logo de investigar sobre o tema, cada aula decidiu o traxe que ía representar: os peliqueiros, as mázcaras, os cigarróns, os boteiros... e nós eleximos facer unha particular homenaxe ás Pantallas de Xinzo, coincidindo coa aula de Soutelo. Aproveitando os preparativos desta celebración, e gracias a colaboración das familias, xuntámonos as aulas de Soutelo e Budiño para coñecernos, convivir, e desfrutar duns días cargados de emocións e novas experiencias: fixemos amigos/as; conversamos; traballamos en equipo na elaboración dos traxes e na recreación das personaxes; descubrimos un novo cole; xogamos ó lim do Entroido... e pasámolo xenial.

 

                                              (En breve, estarán recollidas aquí as fotos)

    Para achegar ós nenos ás celebracións deste Entroido, adicamos cadanseu día da semana do Entroido a un festexo: o luns fareleiro; (o martes non poidemos porque fomos plantar árbores) o mércores corredoiro; o xoves de comadres e compadres; e o venres fixemos o noso particular desfile polo CRA e as rúas de Salceda, no que nos convertemos nas PANTALLAS DE BUDIÑO. Días que viviron con moita ilusión, moitas ganas de troula, xogos e festa... ¡MIRADE COMO O PASAMOS! (Teredes que pinchar nos títulos que leven este símbolo *)

* LUNS FARELEIRO:  (¡O QUE FAI A FARIÑA...!)

* MÉRCORES CORREDOIRO:  (¡POBRE DO GALO... A CORRER...!)

* XOVES DE COMADRES E COMPADRES:  (¡A POLO BONECO/A...!)

* VISITA INESPERADA DUNHA PANTALLA:
Xusto o día antes do desfile, recibimos unha visita sorpresa:  ¿Sabedes quen apareceu na nosa aula? unha Pantalla que non parou de moverse, nin de rirse, nin de chocar as "vexigas" que levaba... ¡ menudo susto nos deu a todos...!¿Lembradesvos de quen era e que nos contou?... ¿Que lle facían as Pantallas aos que  non ían disfrazados?

O NOSO TRABALLO

DESFILE DO ENTROIDO: (mentras agardamos a que cheguen máis fotos, aquí vos deixo un pequeno adianto...)

As PANTALLAS DE BUDIÑO vendo pasar ó resto do desfile...

PLANTAMOS ÁRBORES NOS AGOEIROS

Logo de agardar a que o tempo nolo permitira, o pasado martes 1 de marzo poidemos ir a plantar as nosas propias árbores no Parque Natural dos AGOEIROS. Neste fermosa xornada de convivencia, compañeirismo e traballo en equipo, vivimos experiencias inesquecibles: plantamos 2 castiñeiros e 2 robles americanos, preto da poza, ós que lle colocamos os nosos nomes, para recoñecelos e facer o seu seguimento, segundo queiramos ver a súa evolución. Feito isto, desprazámonos á ruta dos muíños para merendar nas Cobas (ó lado do río), desfrutamos dun pequeno percorrido pola ruta e rematamos visitando e comprobando o funcionamento do muíño da Laxe. Traballamos, manchámonos, desfrutamos rindo e compartindo... e...¿lembradesvos de como voltamos?

O MAGOSTO NO BORRALLIÑO

O pasado venres fixemos unha saída para celebrar o Magosto no parque do Borralliño, en Soutelo. Para algúns nenos, foi un día cheo de experiencias novas: a súa primeira viaxe en autobús; o seu primeiro encontro con todos os compañeiros e os mestres do CRA; o contacto coa natureza; etc. e, aínda así, non lles supuxo ningún problema, todo o contrario. Xuntos e revoltos, vivimos e destrutamos dun montón de experiencias: coñecemos o lugar; atopamos e recollemos follas de moitas formas e cores; fixemos amigos; xogamos ás carreiras de sacos, ó comecastañas, á culler e á castaña, á corda...; merendamos mandarinas e castañas asadas; pintámonolas caras; cantamos no autobús... e o máis importante... ¡PASÁMOLO PIPA!